തിരുമുഖം ചോര ഒഴുകിയാ
നീല മിഴികളെ മൂടിയും
തിരുസുതൻ ദാഹ വിവശനായി
നാവു താണു പോയ് നീങ്ങവേ
ഹൃദയമോ പിളരും വേദന
നാലു കണ്ണുകൾ കണ്ടു മുട്ടവേ...
എന്നെയും സഹ രക്ഷകേ, ചേർക്കണെ പുത്രനേശുവിൽ.
(തിരുമുഖം)
കുരിശിൻ വഴിയിലെ യാത്രയിൽ,
അരികിലായ് അമ്മ നിഴലുപോൽ
ഉഴവു ചാലു പോൽ മുറിവുകൾ,
മേനിയിൽ നീറി നിറയവേ...
വചനമായ് തന്നിൽ വന്നൊരാ ദൈവ പൈതലെ
തഴുകി കൺകളാൽ
എന്നെയും സഹ രക്ഷകേ, ചേർക്കണെ പുത്രനേശുവിൽ...
(തിരുമുഖം)
കാൽവരി ബലി വേദിയിൽ,
കുരിശിൻ കീഴിലെ മെഴുതിരി
അന്നവൻ എന്റെ അമ്മയായ്,
തന്നോരാ സ്വന്തം അമ്മയെ...
മടിയിലായ് അമ്മ സൂനുവേ
ചേർത്തു വാടിയ ചെറു പൂവുപോൽ....
എന്നെയും സഹ രക്ഷകേ, ചേർക്കണെ പുത്രനേശുവിൽ...
(തിരുമുഖം)